انها .. ينبوع الرومانسية


القوارير ॥ النساء .. مثل العصافير ..شقائق الرجال .. وأمهات الأجيال .. الجنس اللطيف ... والينبوع الظريف .. يلدن العظماء .. وينجبن العلماء .. ويربين الحلماء .. وينتجن الحكمااء ...


المرأة .. فى الدنيا المتاع والحسن والابداع .. وهى للرجال لباس .. وفى الحياة ايناس


المرأة ॥ هى الام الحنون ॥ صاحبة الشجون خير من رثى وبكى ॥ وأفجع من تألم وشكى

: لبنها أصدق طعام .. وحضنها أكرم مقام .. نهدها مورد الحنان .. وحشاها مهبط الانسان ..

فى عينها أسراااااار .. وفى جفنها أخباااار .. فى رضاعها معنى الجود .. وفى ضمها الود المحمود

: قبلاتها لطفلها صلوات القلوب .. وبر طفلها لها مرضاة الرب .. شبعها أن لا يجوع وليدها .. وجوعها أن لا يشبع وحيدها ..


غياب المرأة من الحياة وأد للسرور ..

فهي بنت الحسب والنسب .. وجامعة المثل والأدب .. تقرأ فى نظراتها لغة القلوب .. وتعلم الحب من هجرها المحبوب ..

بالمرأة عرف الهجر والوصال .. والاتصال والانفصال .. والغرام والهيام .. والبراءة والاتهام .. تقتل بالنظرات .. وتخطب بالعبرات .. كلامها السحر الحلال .. ولفظها العسل السيال .. بسمتها ألذ من العنب والتوت .. وهى أسحر من هاروت وماروت .. ألفاظها أوزان .. وعقلها ميزان .. فى شفتيها ألف قصة .. وفى أعماقها سبعون غصة ..


على شفتيها المطبقات سؤال .. وفى جفنيها مقال .. أحرف الحب صامتة على محياها .. وقصائد الغرام حائرة على عيناها .. حسن الشمس من حسنها ينهاااااار .. والليل من شعرها يغاااار ..


المرأة .. روضة خضراء وحديقة فيحاء .. أمضى سيوفها الحب .. تصرع به ذا اللب .. الحاااازم معها ضعييييييييييف ..


                              نرى الرجل يصارع الأسود ويقتل الجنود .. ثم تغلبه امرأة 

                      ونرى الرجل يزهد فى الحطام .. ويصوم عن الشراب والطعام .. ثم تصرعه امرأة


المرأة دمعها أفصح شىء عند المحبين .. سر قوتها أنها ضعيفة .. ولغز بأسها أنها لطيفة

يريد الاسلام منها الرومانسية بالعفاف والستر ,, والتقوى والطهر ,,لتكون آية فى الحسن ,, لتكون أمينة ثمينة .. الأمل من عينيها يشرق .. والظمأ فى عينها يغرق .. والسحر من بهائها يسرق .. بكاؤها صرخة احتجاج .. وصمتها علامة الرضا بالزواج .. كان آدم فى الجنة بلا أنيس ولا جليس .. فطالت وحشته .. وصعبت عليه غربته .. فخلق الله له حواء .. فتم بينهما الصفاء والوفاء وحسن اللقاء ......


فرجل بلا امرأة كتاب بلا عنوان .. وملك بلا سلطان ..

البيت بلا امرأة محراب بلا امام وطريق بلا أعلام .. اذا اختفت المرأة من الحياة اختفت منها القبلات والبسمات .. والنظرات والعبرات


...........................

انها المرأة .. باختصار .. ينبوووووووع الرومانسية

32 التعليقات:

غير معرف يقول...

يا سلام على الكلام والله يا اخى لو كل الناس يقدروا المرأه ويوفوها حقها زيك كده مكناش غلبنا هههههه

بجد اسلوب عالى اوى اوى ما شاء الله تبارك الله

ربنا يحميك ويوفقك واسلوبك يبقى عالى اكتر واكتر
zahra el Quds

غير معرف يقول...

بسم الله ماشاااااء الله.. الله اكبر يعنى بجد بجد اللهم لا حسد الموضوع كله تحفه.. بس خصوصا الجزء الأول اللى فوق دة ماشااااااء الله كلام جبار بجد...ياريت كانت الناس تفهم الكلام دة..بجد موضوع جميل بن يطبقه الا الفقيه صاحب المشاعر الرقيقه ..احساس عاااااااااالى
.................. ايدى وجعتنى مش لاقيه كلام تانى أكتبه بجد

غير معرف يقول...

السلام عليكم
حلوة اوي بجد ماشاء الله
من اروع ماقريت عن المرأة اللي يكتب الكلام ده فعلا يستاهل ارفع له الشابو احتراما وتقديرا
يسلم قلمك وبالتوفيق بجد حلوة اوي المدونة كلها
ربنا يبارك وتبدع دايما كده
مبرووووووووووووك

Mahmoud El-Nashar يقول...

السلام عليكم ورحمة الله وبركاته

حبيب القلب / عبد الرحمن .

كم هي كلمات والله ليست كالكلمات ..

كم هي رومانسيات .. والله ليست كباقي الرومانسيات ..

كم هي كلمات .. صاغها الله على عينه ..

كم هي كلمات من قلب طاهر .. محبٌ لله متبعاً لسنة الرحمن ..

كم هي ورب الكعبة همسات .. لا تساويها همسات ..

كم هي ورب الكعبة ينابيع حب .. تتدفق من قلب أحب لله وفي الله بصدق ..

كم هي حقاً .. كلمات لا تساويها كلمات ..

كم هي كلمات .. لا يحسن تنظيمها الشعراء ..

كم هي كلمات .. من خير ما قيل فيه ( ما قل ودل ) ..

كم هي عبارات .. صاغها سلطان الشعراء ..

كم هي الفاظ .. نبعت من قلب مليئ بالرومانسية الصادقة ..

كم هي الفاظ .. نبعت من قلب مليئ بالحب الطاهر النقي ..

إنها حقاً .. همسات .. لأخ رومانسي ..

بوركت وبورك فيمن تحب .. وجمع الله بكم في أعلى كقام في الجنة ..

مقام المتحابون في الله .. المستظلون في ظله يوم لا ظل إلا ظله ..

فجزاك الله خيراً ..

أخوك المحب في الله / محمود النشار

مشروع دكتور يقول...

ربنا يجبر بخاطرك ويرضى عنك
والله الواحد شويه وهيعيط
اخيرا لقينا حد ينصف المظلومه دى ياربى
برضه نظل صااااااااامدووووون

إشراقة أمل يقول...

السلام عليكم
لست بافضل اخوتي الكرام في الكلام
وقد قالوا اجمل ما قيل ردا علي اجمل ما كتب
لكن بقي بعض عبارات الشكر القليله اهديها لك اخي
بارك الله فيك وفي قلمك ووفقك لما يحبه ويرضاه
جزاكم الله كل الخير اخي الكريم
دمت في ابداع وتفوق مستمر
تحيــاتي

غير معرف يقول...

nice.....
No.no.no... Very nice
No.no.no.no.. Very very nice
No... Sorry ... I cant express what i feel ...
But i can say .. Really ...

I love u words

M.anwar

aya zayed يقول...

waaaaaaaaaaaaaaaaaaaaaaaaaaaaaaaaaaaw raaaaaaaaaaaaaaaaa23

Ahmed talaat Elgendy يقول...

جامد يا عبدو والله

غير معرف يقول...

رووووووووووووووووووووووووووووووعة

عمر رضا حامد
:D

lil wa kamr يقول...

من اين جئتُ بهذ الكلمات؟؟
من اين جئتً بهذة الوصف


حقا احسنتم الوصف والكلام
بـارك الله بكم
متابعين لكم دئما

checolata يقول...

الله عليك وعلى كلماتك الجميلة ...

كلمات رغم قلتها الا انها رقيقة فى المعانى ..

رهيفة الاحساس ..

سلمت يداك ودمت مبدعا ..

غير معرف يقول...

ههههه
ايه الحلاوة دى يا عبوووودى ؟؟
كل دى ابداعات الميكروباصات ؟؟ يا نهار ابيض .. اومال لو ماكنتش قاعد جنبك يا ولا ... وبعدين مانا كمان كنت بكتب شعر . . اشمعنا ماطلعتش الابداعات دى ؟؟ ولا عشان انت يظهر كنت دافع الاجرة ؟؟
:) :)
عالعموم مبدع يا عبده .. بس انسى انك تنشر حاجة وماقرأهاش الاول بعد كدة طالما هية بقت كدة يا حبى
ههههههههه
انت عارف انا مين ... حبيبك ... يا صديق الميكروباصات

أخ رومانسى يقول...

جهاد @@
دااااائما فى المقدمة .. بجد جزاكم الله خيرا

زهرة القدس @@
بتحرجينى بذوقك داااااايما يا استاذتنا

غير معروف .. غير معروف @@
ياريتنى اعرفهم يمكن اعرف اقول كلمة توفى جزء من تشجيعهم العظيييم ليا .. بجد كلامكم راااائع
جزاكم الله خيرااااااا

أخ رومانسى يقول...

حبيب قلبى .. محمود النشار @@
اسمحلى ماعلقش على تعليقك .. لانى فعلا مهما علقت مش هوفيك حقك ... بتحرجنى والله .. أفضل تعليق يا استاذ

اسراء @@
المرأة منصفة من زمان فى الاسلام بس انتى مش واخدة بالك .. وبعدين احنا مش قلنا الكلام ده مش محتاج صمود ؟؟ عيشى اللحظة يا دوكتووورة

اشراقة أمل @@
تحياتى ........... اليكى

أخ رومانسى يقول...

مصطفى أنور @@
رد عالتليفون يا بتاع انت

آية @@
ربنا يجبر بخاطرك يا دوكتورة

أحمد طلعت @@
ماشى يا حبيبى .. مانا عارف انى جامد ماجبتش جديد يعنى ... هههههههه .. من شيمى التواضع

أخ رومانسى يقول...

عمر رضا @@
نورت الصفحة يا أستاذ .. وشرفت بمعرفتك يا أخ

ليل وقمر @@
جزاكم الله خيرا .. يسعدنى متابعتك يافندم

شوكولاتة @@
ربنا يكرمك يااااارب ودعواتك بالتيسير فى الباقى بقى ..ربنا يلهمنى ... جزاكم الله خيرا جميييعا

غير معرف يقول...

ماشاء الله على الإبداعات والكلام الرائع الرقيق ربنا يوفقك دايماً

somaya elgamal يقول...

أكثر من رائعه سلمت يداك

امل الاسلام يقول...

اخيرا حد اعترف بالمرأه ومكانتها وفضلها
ابدعت قولا اخى الكريم

أخ رومانسى يقول...

دكتورة سمية @@
الجميل يرى الكون جمييييلا

أمل الاسلام @@
اولا .. سعدت بحضرتك جدا فى مدونتى المتواضعة
وارجو تشرفينا دايما
ثانيا .. الاسلام معترف بالمرأة من زماااااااااااان بس احنا مش واخدين بالنا .. والنبى قال اروع من الكلمات دى الف الف مرة بس باردو مش واخدين بالنا يكفى فى حجة الوداع يعنى ااااخر خطبة .. استوصوا بالنساء خيرااااااا

جزاكم الله خيرااااا اختى الكريمة

غير معرف يقول...

ماشاء الله كلام رائع جدااااااااااااا ربنا يكرمك ان شاء الله ويوفقك ...... ايه مسعد الزيني

غير معرف يقول...

ايوة شفتها اول ما نزلت
و عجبتنى جدا و على فكرة قطعت التعليق عليها عشان سيادتك كلمتنى ساعتها و قاطعتنى

بس كنت هقول و لا اروع
و ما زلت أصر ان سيادتك اخدت مواهب العيلة كلها ما شاء الله
بارك الله لك فيك و ثبتك و رفع ما فيك بيك و باللى حواليك و ثبتك ع النهج القويم و على الصراط المستقيم و نفعك و نفع بك اللهم امين

اية العبد يقول...

ماشاءالله على وصفك للمرأة
بصراحة وصف فوق الروعة
كلمات تستحق الشكر
بس اكيد المراة اللى بتوصفها دى مش اى مراة دى العفيفة المطيعة لربها الأم المربية لأجيال تخدم دينها الزوجة المخلصة المحبة لبيتها الموظفة الأمينة فى عملها

جزاك الله خيرا ودائما للأفضل

غير معرف يقول...

ماشاء الله اخي موضوع رائع

كنا لسه واخدني في المدرسه موضوع مشابه

بس سؤال حضرتك تعرف لي شبه المراة بالقواير ومش اي قوارير بالزجاج ؟؟؟

منتظرة الاجابه

اختك مسمه وافتخر

مدونتي بئر الجنه

دمت بخير

shimaa elgarhy يقول...

جزاكم الله خيراً على هذا الوصف الرائع للمرأة ويدل على إحساس عالي وراقي

مت مبدعاً

shimaa elgarhy يقول...

معذرة
دمت مبدعاً

أخ رومانسى يقول...

آية الزينى @@
ربنا يكرمك يااااارب .. وجزاكم الله خيرا .. سعيد بمرورك

آية العبد @@
أكيد يا اختى .. هي المرأة العفيفة المصونة .. لفة جميلة .. جزاكم الله خيرااااااا

أ . شيماء @@
جزانا واياااااكم يافندم .. مجاملة رقيقة من حضرتك .. هههههه .. يارب اموت مبدع وادم مبدع .. شكرا لمروووووورك

مسلمة وأفتخر @@
هرد على حضرتك لاحقاااااا .. اه ان شاء الله عارف . . جزاكم الله خيراااااا

أخ رومانسى يقول...

مسلمة وأفتخر @@
ربنا يكرمك يا اختى .. الموضوع رائع بتشجيع حضراتكم ليا .. وكويس انه تأكيد للى اخدتيه فى المدرسة بقى

أما تشبيهه بقوارير الزجاج .. وهذا يدل على ضعفة النساء لأنها كالزجاجة التى تكسر بسهولة .. و كنى عن النساء بالقوارير لرقتهن وضعفهن عن الحركة , والنساء يشبهن بالقوارير في الرقة واللطافة وضعف البنية ..

قال آخر على ما أظن يعنى غير متذكر بالضبط .. شبههن بالقوارير لسرعة انقلابهن عن الرضا , وقلة دوامهن على الوفاء , كالقوارير يسرع إليها الكسر ولا تقبل الجبر ..
.............................
عذرا اختى .. محتاج الرابط بتاع المدونة عشان مالقيتهاش .. أكرمكى الله وحفظكى
.............................
دمتى بكل ود

غير معرف يقول...

اولا خي اجابتك ماشاء الله صحيحه كلها

بس الي انا كنت اقصده

بانهم وصفو بقواير الزجاج

علشان قلوبهم سهلة الكسر صعبة الجبر
وكمان ماشاء الله اجابتك صح

اما بالنسبه لمدونتي فالرابط

http://tasnem300.maktoobblog.com/

لكم يسعدني زيارتكم لمدونتي

دمتم بخير

aneen يقول...

ما شاء الله .. انامل ذهبية تسطر لنا ما هو اغلي من الماس .. عبرت فابدعت .. كلماتك مرهفة الاحساس وصادقة المشاعر .. بارك الله فيك أخيا .. اسال الله ان يرزقك خير متاع الدنيا .. وان تجد ما يطيب له قلبك وعقلك :)

غير معرف يقول...

ما اجمل هذه الكلمات بجد ليس في الامكان اجمل مما كان احساس مرهف وابداع ليس له حدود (شرين )

إرسال تعليق

 

همس قلبى © 2008. Design By: SkinCorner